బలవంత మత మార్పిడి ఆరోపణలు బూటకం అని తేల్చి చెప్పిన పోలీస్ అధికారులు

మంగళూరు : దక్షిణ కన్నడ జిల్లా సుల్లుయా తాలూకాలో బలవంతంగా ఇస్లాంలోకి మతం మార్పించినట్లు ఒక్క ఫిర్యాదు కూడా రాలేదని ఎస్పీ భూషణ్ గులాబ్ రావు బోరాసే స్పష్టం చేశారు. ఓ గ్రూపు కొందరు యువకులను బలవంతంగా ఇస్లామ్ లోకి మార్పించారని, దీనిపై విచారణ జరిపి తగిన చర్యలు తీసుకోవాలని బీజేపీ జిల్లా అధ్యక్షుడు సంజీవ్ మతండోర్ ఆరోపించారు. బలవంతంగా మతమార్పిడిలు చేస్తున్నారని వీహెచ్‌పీ, భజరంగ్‌దళ్ సంస్థలు ఆరోపించాయి. దీనిపై విచారణ జరపగా ఒక్క కేసులోనూ ఇస్లామ్ లోకి బలవంతంగా మార్పిడి జరగలేదని ఎస్పీ వివరించారు. సుల్లుయా తాలూకా మందీకోలు గ్రామానికి చెందిన సతీష్ ఆచార్య తన సొంత సంకల్పంతోనే ఎవరి ఒత్తిడి లేకుండా ఇస్లామ్ మతాన్ని స్వీకరించినట్లు తమ దర్యాప్తులో తేలిందని ఎస్పీ పేర్కొన్నారు.

Read More