జికా, డెంగ్యూ, హెపటైటిస్ లకు వ్యాక్సిన్ కనిపెట్టిన డా. ముంతాజ్

ప్రపంచవ్యాప్తంగా కోట్లాది ప్రజలను పీడిస్తున్న భయంకరమైన వైరసులు జికా, డెంగ్యూ, హెపటైటిస్ సి లకు వ్యాక్సిన్ కనిపెట్టిన శాస్త్రవేత్తల బృందంలో బీహారుకు చెందిన డా. ముంతాజ్ నయ్యర్ ఒకరు. యూనివర్శిటీ ఆఫ్ సౌతాంప్టన్ లో ఈ పరిశోధన జరిగింది. ఈ పరిశోధనా పత్రంలో ఫస్ట్ ఆథర్ గా ఉన్న డా. ముంతాజ్ నయ్యర్ మాట్లాడుతూ తాను భారతదేశం నుంచి వచ్చాననీ, భారతదేశంలో వేలాది డెంగూ కేసులు ప్రతి సంవత్సరం రిపోర్టవుతాయని, ఈ పరిశోధన వారికి సాంత్వన కలిగిస్తుందని అన్నాడు.

బీహారులోని ఒక చిన్న ఊరి నుంచి బ్రిటన్ వరకు వెళ్ళిన ముంతాజ్ నయ్యర్ సాధించిన విజయాలు అనేకమంది యువకులకు స్ఫూర్తి దాయకమైనవి. హైస్కూలు వరకు ఆయన చదువకున్న ఊరు ఒక కుగ్రామం. 2016 వరకు అక్కడ కనీసం కరంటు సరఫరా కూడా లేదు. అంటే రాత్రులు చీకట్లోనే గడపాలి. దీపం వెలుగులోనే చదవాలి. అలా చదువుకున్న డా. ముంతాజ్ ఢిల్లీలోని జామియా మిల్లియా ఇస్లామియాలో ఉన్నత చదువులు చదివారు. జామియా హందర్ద్ లోను ఆయన విద్యాభ్యాసం చేశారు. పూనాలోని నేషనల్ సెంటర్ ఫర్ సెల్ సైన్స్ లో చదివారు. వైరస్ థెరపీలో తమ పరిశోధన వల్ల విప్లవాత్మక మార్పులు వస్తాయని, కాన్సర్ ట్రీట్ మెంటుకు కూడా ఇది ఉపయోగపడుతుందని అంటున్నారు.

Related posts